BEMINDE (Opdrag 7)
BEMINDE
my menswees wat smagtend verlang
na hande soos veertjies wat saggies kan aai
na ‘n mond wat skelmpies soentjies skaai
so teer so liefies gepamperlang
fluisterend woorde wat streel oor my wang
golwende passie soos windjies wat draai
vlae van begeerte wat om ons twee waai
vas in die vlamme van ekstase gevang
vir nou wil ek hierdie dans met jou deel
vir nou my verlustig in liefde se taal
vir nou én vir altyd met hartstog deurspoel
vir altyd die vuur in jou oë sien smeul
vir altyd die mooi uit ons liefde uithaal
vir altyd, vir ewig jou arms om my voel
© Barbara Smit 23/08/2018
4 Kommentare
-
Anze
Pragtig, dankie vir jou deelname aan die Pendoring 2 / INK kompetisie
-
Loretta Szikra
Baie mooi gepen Barbara. 👌
-
Elroux
Baie mooi Barbara.
Maak 'n opvolg-bydrae
Jy moet aangemeld wees om 'n kommentaar te plaas.
Callie Vermeulen
Pragtig Barbara.