Bosveldhuisie
Ek weet van ʼn plek,
waar impala-lelies
in die veld opkom
en kosmosse kleurvol
in die wintergras blom.
Waar die kameeldoring vroegdag
die eerste sonstrale vang,
en die maan tot laatnag
op ons voorstoep rondhang.
Ek ken ń plek,
waar die jakkelse snags
vir die stilte blaf
‘wyl die winterbries salig
deur die veldgras draf.
Waar jy ń smaak ontwikkel
vir die geur van grond,
en die aroma van somerreën
kan proe in jou mond.
Ek ken ʼn bosveldhuisie
waar geluk wild groei
Weg van die mensdom se malheid
en die aarde wat bloei.
* FAK Sangbundel – Bosveldhuisie
@Loretta Szikra
2 Kommentare
-
Toom
Wonderbaar! By so 'n huisie wil mens graag kom kuier. Baie mooi geskryf. GvT
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Junie FAK projek