Dagmerrie (silwer)

Oor jare het ek dit ongeduldig begeer 

die landelike eenvoud, verbind aan die grond

geen offer te groot, heilig die verbond

van die droom se diepkant sou ek anderdag leer

Elke dag word ‘n reis, saaityd, lamtyd en skeer

die helder sternagte, ons leef aan die front

die voorreg van boerwees bring lof na my mond

my sweterige plaashoed kan doen met ‘n veer

Maar meedoënloos kom teëspoed, blus my bravade

die vreugde word stukkie vir stukkie versmoor

ek spartel wanhopig teen die rente se skade

tot ek druipstert erken, my droom het ontspoor

en die dagmerrie laat my dolleeg maar gelade

want die bitter en soet word ‘n dralende koor

-cs-

Neologisme :

Dagmerrie – ‘n droom helder oordag verkrummel

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag