Die boemelaar, op die groen bank, by die verkeerslig.
Ek bestuur,
een hand
om die stuurwiel gevou
terwyl die ander
’n KFC rounder vashou
en die verkeerslig
is nou ’n stopstraat
(’n aansteeklike siekte in die dorp)
en op die hoek
van die straat
onder die dooie verkeerslig
sit
’n ou boemelaar
(heel gemaklik)
op ’n groen rusbank
en lag
vir al die mense
in hul luukse motors
wat van frustrasie vloek
omdat m e n s e
nie verstaan
hoe ’n dooie verkeerslig werk nie.
© Anria
* ek wens ek het my foon gereed gehad vir die foto van die groen rusbank en die boemelaar op die hoek van Van Velden straat en McClean straat in Brits (2016/02/10). Dis nogal een van die besigste strate in die dorp.
Anria
... daar is altyd Hoop.
6 Kommentare
-
neels claasen
Lekker gelees aan hierdie een
-
borrels
Lekker-lees-woorde ...
-
Anria
Dankie julle, ek waardeer.
-
Evelyn van der Merwe
Jy skets dit goed vir die geestesoog asof mens daar in gees is. Mooi gepen.
-
Anria
Baie dankie Evelyn!
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Het hierdie een geniet, Anria. Die oomblik lekker vasgevang in hierdie skrywe ☺