Die eggo van jou
Ek stuur vir jou
ʼn goudgeel Wydoogblom
uit die Cederberg
die saffierblou lug
iewers in die snikhete stilte
die roep van die wind
ek stuur vir jou die storie
wat homself vertel
teen die rooi krans gebergtes
toe gekoevert
die uitgestrekte dag
wat op die oranje gloed
van die aandlug wag
dra my koevert met jou saam
in my Cederberg herinnering
eggo jou naam
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Koekekranka
Sjoe! So pragtig, so passend in my gemoed. Baie dankie dat ek kon deel!