Die pers heks van Blommeland skryf ‘n vinnige versie
ek bind ‘n bont sarong
om my goudkoper lyf
ek buk langs die water
om my woorde te skryf
in die sand van die see
in die blou van die lug
word ek die albatros
wat deur hemele vlug
ek wydsprei my vlerke
ek’s ‘n wolk voor die son
en patroon al my druppels
oor elk krans, dal en kom
ek word die water
wat riviere laat spruit . . .
en ‘n blombont sarong
wat oor die aarde tapyt
C. Shaw
20 November 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
3 Kommentare
-
Palet
Baie mooi vers
-
Viooltjie
Baie dankie, Neels en Palet. Ek is bly dat julle saam gelees het. Ek waardeer die kommentaar baie :-)
Maak 'n opvolg-bydrae
Jy moet aangemeld wees om 'n kommentaar te plaas.
neels
vir n vinnige versie is dit pragtig