Die s(eerste) liefde
die populiere langs die N1
se loof is aan’t verkleur
net soos wat dit immer
met elke herfsbegin gebeur
*
ek dra nou stories op my hande
daar’s r(ou) verhale in my oë
(liefde’s nie vir altyd nie
tog ~ eens het ons dit geglo)
en ek vertel dit vir die mossies
ook vir die duiwe in die lug
maar soos windswaels
na die noorde
slaan my woorde op die vlug
*
Die populiere langs die N1
wis die winter kruip weer nader
dat koue winde (ongenaakbaar)
alles wat ooit somer was, verwoes
en net soos blare in die herfs
verkleur van groen tot amber
net so kom die s(eerste) liefde
onwillig ~ maar eindelik ~ tot roes
© C. Shaw
25 Maart 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
6 Kommentare
-
-
Viooltjie
Baie dankie, Kiekies ek waardeer 😊
-
-
neels claasen
Carma een van jou mooistes ooit. hierdie werk onderstreep weer jou pragtalent en verdien n diamant
-
Viooltjie
Groot dankie Neels. Ek waardeer baie 😀
-
-
Evelyn van der Merwe
wow! Volpunte
-
Viooltjie
Baie dankie, Evelyn. Ek waardeer baie ☺
-
Maak 'n opvolg-bydrae
Jy moet aangemeld wees om 'n kommentaar te plaas.
Kiekies
Ai jinne hierdie is seer met kleur! Puik puik puik!!