Distels verstrengel
By ‘n rou rivier se droogloop –
het sy gisterspore hertrap
maar die berg het lui gehuiwer
om weer bitterwater te tap
In diep, donker dennewoud –
op die koel, klam naaldtapyt
het sy weerloos kruisbeen loop sit
met haar mandjie propvol verwyt
Onder die Apiesdoring- sambreel –
desekteer sy die lewe in geheel
dis daar waar die goudvlerk engel
haar distels en dorings verstrengel
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
3 Kommentare
-
Anze
hierdie is PUIK!!
-
Evelyn van der Merwe
Dankie Neels en Anze, waardeer julle altyd.
Maak 'n opvolg-bydrae
Jy moet aangemeld wees om 'n kommentaar te plaas.
neels
Pragtig evelyn