Droom-melodie
op die wysie van ‘n nuwe natuur-liriek
speel die wind in mimiek
met die geel-verbleikte
Witstinkhoutblare
op die maat van
onhoorbare musiek
ritsel daar in simfonie
met sonbesie sang
as fragmente van klank
saamsmelt in ‘n streelsag
droom-melodie
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
9 Kommentare
-
Anze
Baie dankie vir jou stilstaan KK ek waardeer jou goue woorde!
-
neels
Pragtige passende foto by n pragtige werk Anze
-
Anze
Baie dankie Neels ek waardeer
-
Arnold
Wanneer 'n mens stilstaan in die natuur dan hoor 'n mens sy fluistering wat die gehoor streel.
-
Kiekies
Satyn-sag pragtig!
-
Anze
Baie dankie Arnold en Kiekies ek waardeer julle stilstaan en mooi woorde
-
Janetta-Helena Boonzaaier
Waar is die plek Anze, ek wil onder daardie herfstak 'n kombers gaan oopgooi en net na die mooi natuurklanke wat jy daar beskrywe lê en luister en hoe die herfsblare ritsel!xx
-
Anze
Baie dankie tannie Babs..die Witstinkhoutboom staan in my tuin, die dowwe geelblare bekoor my elke keer as ek na dit kyk, daar staan ook een voor my winkel
Maak 'n opvolg-bydrae
Jy moet aangemeld wees om 'n kommentaar te plaas.
Koekekranka
So 'n mooie spel met woord en gedagte en allerlieflik aangevul met 'n asemrowende mooi foto. Dit is sulke dinge wat 'sielekos' spel!