dubbeldekker-doodsbus (SILWER)

dubbeldekker-doodsbus

Karen, mooi matriekdogter van Hoërskool Vorentoe
staan sorgvry laggend en skerts onder bome – groen
wyl haar vriendin, Elsa goedig tergerig die draak steek
“Wat as ons vandag doodgaan”? Pieter se vraag – swart

Pieter self oorbluf oor die gedagte wat hom skielik tref
as skoolklok skel lui en nuwe skooldag begin in volkleur
na skool wag twee dubbeldekkerbusse geduldig in geel:
Karen en tweelingsus in voorste bus, Elsa in tweede bus

Karen lees: “Wees gerus, neem die bus” in swart op wit
verander dit na: “Wees NIE gerus, neem NIE die bus”
met die omdraai sien sy agterste bus swenk en swaai
gaan gillende na voor: “Stop! Stop die bus is in die dam!”

in water is Pieter eerste op busdak – duik, swem en red vyf
met sesde duikslag verdwyn hy onder die water: blouswart
“geen groter liefde … as om jou lewe te gee vir ander”
Pieter Koen sterf as held in die Westdene treurspel

©Marlene Erasmus
30/01/2022

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag