Welkom, Besoeker
Welkom, Besoeker

Titel: Ek sou jou kon liefhê

Deur Evelyn van der Merwe
Datum gepubliseer: 29 Februarie 2016 Aantal woorde: 173 1082 Kere gelees 30

Ek sou jou kon liefhê

Ek sou jou kon liefhê
was jou voetspore witter
en die dou op jou hande
het nie bloedrooi geskitter

Ek sou jou kon liefhê
was jou woord maar jou eer
nou sweef dit dof, doelloos
tussen alma mater leuens
in die ver buitenste sfeer

Ek sou jou kon liefhê
was jou weë nie so duister
maar die see en woestyn
het dit dalk doofstom blind
sag aanmekaar loop fluister

Ek sou jou kon liefhê
elkeen het ‘n defek voorwaar
maar om as gekroonde prins
valse septer skeef te swaai
het defek skerp openbaar

Ek sou jou kon liefhê
was jou hart uit suiwer goud
minute tik nou eentonig verby
tyd versteen in uurglas sand
raak ons apart eensaam oud

Ek sou jou kon liefhê
was jou voete nie van klei
nou’s daar slegs ‘n stroompie
hartseer, smart, verdriet
wat onder die brug deurgly

Ek sou jou kon liefhê
kon jy maar my hart verstaan
maar die noodlot se skaal
het helwaarts gekantel
met my een enkel traan




TEMAS
6 Kommentaar
  1. neels

    1 Maart 2016

    ek is so bly Evelyn is met ons. soos altyd n pragtige werk en welkom evelyn

  2. Viooltjie

    1 Maart 2016

    Baie welkom hier, Evelyn. Groot hartseer en stryd goed hier vasgepen 🙂

  3. Anze

    1 Maart 2016

    Staande applous vir hierdie diep-seer eerlike gedig.. PUIK!!!

  4. Desiréé

    1 Maart 2016

    Pragtig Evelyn … lekker om weer jou werk te lees.

  5. Die 4Werker

    1 Maart 2016

    Ja – voorwaar pragtig Evelyn, baie bly jys nog met ons!!!!

  6. Evelyn van der Merwe

    1 Maart 2016

    Hi almal en dankie vir almal se goue welkome woorde, ek waardeer opreg. Het minimum tyd maar gaan my beste gee hier. Dankie vir al die kommentare.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 98
Kommentaar telling: 479

Ek skryf om leeg te word van alledaagse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.  Dankie vir julle inloer en saamlees.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 127 gaste aanlyn

Bydraes – Argief