Jy het nie huis toe gekom …
verlate sit ek vanaand
met my voete in die sand
die branders hou my geselskap
‘n seester in my hand
in die verte brand die liggies
van ‘n deinende tjokkaboot
van hier so klein en amper fyn
mens sou nie sê dis 6-man groot
deur my vingers loop korrels sand
soos die tyd deur ‘n uurglas
dink ek aan ons saamweestye
en hoe lekker dit vir my was
maar vanaand sit ek alleen
verlange maak my woorde stom
en my oë is vol oseane
want jy het nie huis toe gekom
Desiréé
daar is 'n plek in my waar ek nog jou vingerafdrukke voel waar jou soene nog talm en jou fluisterwoorde saggies weerklink dit is die plek waar 'n deel van jou vir altyd 'n deel van my sal wees ...
8 Kommentare
-
-
borrels
Dankie Neels, ek waardeer jou lees en kommentaar.
-
-
Anze
mens voel die heimwee tussen jou woorde... pragtig!
-
borrels
Dankie dat jy gelees het Anze
-
-
Viooltjie
Die verlange lê diep hier, Borrels. Mooi :-)
-
borrels
Dankie Viooltjie ... waardeer jou lees en kommentaar.
-
-
Somerreën
Ai dis so pragtig verwoord, so asof ek die een is wat daar sit en verlang..... Uitstekend Borrels, was nog altyd mal oor jou skryf....
-
borrels
Dankie Somerreën ... ek waardeer jou kompliment baie :-)
-
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
Pragtig borrels