Elegie vir ‘n Erfenisdag
Elegie vir ‘n Erfenisdag
Ek treur
oor die verwaarlosing van
my land—
Ek treur oor die verwoesting van
ons alma maters,
ek treur
oor die wegneem van
ons Afrikaanse straatname,
ek treur
oor die nuwe sinlose plekname
vir dorpe en provinsies,
ek treur
oor die afbrand van skole, klinieke, en
die vernietiging van ou historiese geboue,
ek treur
oor die uitwissing van ons wild
veral die renoster vir sy waardelose
horing en die olifant vir sy ivoor—
Ja ek treur oor geen respek,
ek treur oor al die korrupsie,
ek treur, ek treur!
Janetta – Helena [Babs]©
7 Kommentare
-
-
Janetta-Helena Boonzaaier
Dankie Kiekies, 'n mens kyk maar net verslae toe, want dit lê heeltemal buite jou ervaringsveld!
-
-
Viooltjie
Ja, so voel ons seker almal. Kom ons hoop en bid dat iets baie wonderliks uit hierdie chaos gaan opstaan. :-)
-
Janetta-Helena Boonzaaier
Dis ondeurdagte beloftes van vry onderrig en daar is nie geld nie, nou verwoes hulle ou gevestigde geboue om hulle sin te kry, ons kan maar net hoop en bid dat dit nie verder gaan eskaleer nie! Dis al miljoene rande se skade om skole en klinieke weer te herbou!
-
-
Anze
En my hart huil saam oor die onsinnige verwoesting! Puik gepen
-
Janetta-Helena Boonzaaier
Anze die optredes van sogenaamde studente is weersinswekkend! Hulle identifiseer darem van die belhamels, seker maar op die kringtelevisie, Dankie vir jou kommentaar, ek waardeer dit.
-
-
Amaspoke
Ek voel met jou, maar ek wil myself weerhou van verdere kommentaar, as ek eers uitpak mag ek dalk in die moeilikheid kom . . .
Maak 'n opvolg-bydrae
Jy moet aangemeld wees om 'n kommentaar te plaas.
Kiekies
Ek voel jou pyn.