Gebrek aan kennis

My siel is verkreukel en my gemoed moeggetap.
Oral om my is onherroeplike smart.
Terwyl mensdom vol kritikasters heers
Met onbesuisde woede wil beheer in vrees.

Op gerugte van grootmaak ry hul die golf,
word elke stofkorrel tot berg omgedolf.
Sien hul kortsigtig, sonder selfondersoek.
Glo hul die kronieke van elk geskrewe boek.

Bedaar my siel, maak gou!
Bedek jouself onder Sy beskerming toegevou.
Wysheid is vir die mensdom verblind
vir die wat hulself nie wil laat vind.
PAULA PAXTON©