grens

 

 

my duin word oorspoel

met die klanke van vakansie

nie enige vakansie nie – desember

soms wil ek grens oor verlore stiltes

dan verbaas opkyk na vreugdevolle

oomblikke wat afspeel voor my

mense wat mekaar weer vind

in die onbegrense spasie

van wye oop wit strand

golwe wat altyd met

rustige musiek

en ritme

kom

en

gaan

soos mense

gebore, getoeë

en begrawe word

in die duine van

my verhaal

 

© Tearlach.