Hartstories (Silwer)

In ‘n lêer in my onthou-argief
is my verpligtinge noteer
in wissels en promesses,
ek-skuld-jou’s, en dies meer

toe ek werk deur die joernale,
die totaal probeer bereken,
het ek gesien dis meestal
deur mysélf op my beteken

berekeningsfoute was daar ook
toe die boeke nie wou klop,
want dié gebou se waarde
gaan nie af nie, eerder óp

die skulde wat oninbaar was
is met ‘n rooi streep deurgehaal,
want Iemand het ook mýne
lank terug reeds betaal

nadat ek als geoudit het
sonder tittel of jota,
het ek gesien ek skuld mysélf
ook ‘n kredietnota,

want by my klein onderneming
meld ek daagliks aan vir diens,
deur winste en verliese,
en dikwels ongesiens

dít is waar ek woeker,
lag, huil, meeleef en leer,
daarom kan ek teen liéfde
my las verdiskonteer!

©️Elize Kruger

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag