herfsverslag
oral waar ek stap
vind ek windman
waaibesig met liasering
van die vorige seisoen
bome staanparadeer afwagtend
skugter spoggerig tastend
vir sy goedgekeurde
welgedaan waaisoen
toe die skemer hom kom haal
beloer hy die takkespel
teen die doek van geelbruin skemer
effe stil en blaarverslae
© Francois Meyer April 2023
Maak 'n opvolg-bydrae
Jy moet aangemeld wees om 'n kommentaar te plaas.