HET JY AL?
Het jy al gesien
hoe ‘n weggespoelde eensaam man se spore
in die sand wegsink?
Het jy al jou vingers
by die moddergat se walle
om ‘n kleilat saam gevou?
Het jy al gaan kyk hoe vleg die vinke nessies
by die oorhang by die dam
of het jy dalk die mooi van jonkwees
vir later se onthou verbrou?
Loop saam met my dan vertel ek jou
van kallers wat stamp-stamp
hulle lippe om hul ma se uiers vou
en van die groen opspring kinders van verbrande gras
wat wegkruipertjie
met beeste deur doringdrade langs ‘n grondpad speel.
Het jy al gehoor hoe die mossies
in die middag by hul nessies raas
en gaan kyk
waar tarentale se sandbad in die middag se na-son lê?
Het jy al
of het jy dalk die mooi van jonkwees
vir later se onthou verbrou?
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
6 Kommentare
-
-
Louie
Dit laat 'n mens nogal nostagies raak. Dankie JDM
-
-
borrels
Mooi vers. Hou veral van die slotstrofe.
-
neels claasen
soos borrels dit stel die slotstrofe is treffend
-
Louie
Dankie vir die lees en kommentaar Borrels en Neels
-
Cornien
Het jy al gehoor hoe die mossies in die middag by hul nessies raas, Pragtig! Ek maak 'n punt daarvan om vir 'n oomblik af te skakel en hierdie klein mooi dinge raak te sien!!
Maak 'n opvolg-bydrae
Jy moet aangemeld wees om 'n kommentaar te plaas.
JDM
Laat mens dink oor jou kanse in die verlede wat jy moes neem en ook aan die kindwees jare. 'n Nostalgiese terugblik op jeug en die mens se ontwikkelingsfase van jou waarneem of bewusword sintuig.