DIE LEWE
Jaag-jaag saggies slaan die muurklok twaalf
wanneer die môreson skelm oor die heuwel loer
en die koue vingers van die nag
statig sy vertoning uitsmelt op die stil verhoog
Voortploeg – voortploeg tussendeur die lewensonkruid
wat geniepsig dreig om elke groenkol in my brein
deur te vleg met dorings en met pyn
en die werklikheid te dwing tot skyn
Tuimel-tuimel in die warboel lewenstuimeldroeër
wat water uit ‘n woltrui soos mis in die somershitte
klankloos laat wegsmelt en verdwyn
terwyl ‘n lewe in ‘n bevuilde hoekie stil wegkwyn…
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
3 Kommentare
-
-
Louie
Weereens dankie
-
-
Ch Nel Venter
hierdie vers se so baie. goed geskryf Louie
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
voortploeg voortploeg tussen die lewensonkruid-treffende strofe