identiteit

 

“jou outonome vryheid lê by jou reg om te wees wie jy wil wees”

 

ons voorvaders het geweet ;

uit hul omstandighede hul kultuur gevorm

hul eie identiteit in tye van nood, hoop en wanhoop

van uiterstes, groei en agteruitgang

hulself geformuleer, gehandhaaf

en gebou

 

“vandag wil almal, alles vir almal wees”

 

beteken identiteit vir jou indentiteitsloosheid

voor jy iets vir iemand anders kan of wil wees

moet jy eers weet wie jy in jouself is

jy kan nie daarsonder saamwerk nie

as jy niks is, en niks vir jou belangrik is nie

het jy niks om voor te staan nie

 

“Jy kan eers opstaan vir ‘n ander se reg as jou eie reg ook vir jou belangrik is”

 

daar moet aanvanklike integriteit-identiteit wees

identiteit bepaal soveel van jou menswees

dit bepaal wie jy is en waarheen jy oppad is

watter taal jy praat, waar jou kinders skoolgaan

na watter universiteit jy hul gaan stuur

so vorm jy daagliks deel van jou kultuur

.

“onthou tog: geenlyn-grense bly steeds ‘n grens”

 

wat vandag waar is, is dat alles onomkeerbaar

feitlik van dag tot dag verander – kultuur verouder,

aanpas, hervorm en feitlik oorgeskryf word

deur robotgedagtes, wetenskaplike begrippe

geografiese omwentelinge van orkaan tot orkaan

die jeug van hierdie dae, aanpas by alles nuut

die “oumense” van die dag daarin vergaan

 

Ó Tearlach.

 identiteit – ‘n Kenmerk wat jou van ander mense onderskei en bepaal wie jy is. Die belangrikheid van die identiteitskwessie in sy vele gedaantes en belangstelling daarin, spreek onder meer uit tesisse soos dié van Wasserman (2000) en Visagie (2004), en artikels soos De Villiers (2003), Reddy (2005) en Van Zyl (2006).