Immergroen
jou omgee versprei
soet soos die reuk
van ‘n yesterday, today and tomorrow
tussen jou hartsmense
waar jou koestering
menigte harte
se honger stil
jou gebede verfris
nes die eerste lentereën
na ‘n lang droë winter
en jou tuiste bied
‘n lafenis
vir ‘n dorstige siel
“and honey, your soul
could never grow old,
It’s evergreen”
die herinneringe
wat jy agterlaat
sal ons ewig bybly
want jou liefde
is immergroen
dis vir vandag,
môre
en vir altyd
tot ons mekaar
weer eendag sien
rus sag
©Jessica Venter
09/10/2020
*Interteks – Uit Ed Sheeran se liedjie, Thinking out loud
3 Kommentare
-
Anze
Pragtig, baie dankie vir jou bydrae tot die Oktober 2020 – OOP-projek
-
Koos Elsum
Die gedig raak aan die hart en mens voel die deernis, dankie In my opinie is die gedig sterk genoeg en is die verwysings na Ed Sheeran onnodig, net my mening
Maak 'n opvolg-bydrae
Jy moet aangemeld wees om 'n kommentaar te plaas.
HelenaMellet
Pragtig, Jessica!