Jy Is Vróú

My liefde vou jou toe
net soos my vel my lyf bedek,
my liefde asem oor jou
soos die vlamme aan die fynhout lek

My liefde is ‘n koue vuur
wat jou verlig maar nie verteer
My liefde is ‘n warm jas
wat jou beskerm teen die seer

My liefde is ‘n bloedrooi roos
wat in die lente blom
en gulsig van jou sonlig drink
diep uit jou hart se liefdeskom

My liefde is ‘n pantsermuur
wat jou vir altyd veilig hou,
my liefde troetel en bederf
want jy’s volledig VRÓÚ

©Anton Bosch 15/03/2019