kinderdrome (Goud)

wanneer ek kyk

na die drome en onbevange

vertroue daarin, van ‘n kind

huil ek soms lang, druppende

binnetrane

jammer-vir-myself trane

omdat ek te oud voel om te droom

kwaad-vir-myself trane

omdat ek nie my kleindogtertjiedrome

probeer vang het

voor dit in my grootmenssiel

verlore geraak het nie

dankbaar-teenoor-God trane

vir die voorreg om kinders te ken

en die wonder van húlle wat nog droom

te kan beleef

dít laat my trane oor my wange loop

want ‘n kind se boodskap is eenvoudig:

droom…en glo in jou drome

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag