Kom Skugter Briesie
Kom Skugter Briesie
Dit raak aand en die dag buig uit
die gordyn gaan netnou finaal sak
oor verskeie tablo’s wat vandag afgespeel
het al die goed en kwaad in helder sonlig—
Die nag trek sy donker sluier in magtelose skaamte
oor al die gebrek, ellende en wreedheid wat
gedurende die sonskyndag afgespeel het
en oorspoel in die nag onder neonligte—
Al die boosheid is versmorend
kom waai jou koel lafenis oor my
brandende gesig sefier en verlig
die benoudheid soos met ‘n koel lap
en oortuig my dat edelheid skoonheid
en deug steeds die septer swaai in
menige hart, ja kom skugter briesie
en kom streel my onrus weg dat ek
in jou koel omhelsing rus en vrede vind—
Janetta – Helena [Babs]©
4 Kommentare
-
Evelyn van der Merwe
Voortreflike beskrywings gebruik. Knap gedaan.
-
Janetta-Helena Boonzaaier
Dankie Evelyn, ek waardeer jou komkmentaar .
-
-
Janetta-Helena Boonzaaier
Baie dankie Anze , jou kommentaar is bemoedigend!
Maak 'n opvolg-bydrae
Jy moet aangemeld wees om 'n kommentaar te plaas.
Anze
wow... dis ongelooflik goed en mooi vasgepen!!