Laat lente
Jy bars uit jou nate;
baldadige uitbarsting van kleur
uitspattig en oordadig
wonderskoon in volle fleur.
‘n See van oorvloed,
onbeheers; oorrompelend.
Jy sleur my mee en ek staar
oopmond; bewonderend
na die polsende skoonheid;
die volheid en volmaaktheid
wat jy voortbring; die wonder
van die skepping in sy volheid.
Hoog bou dit op – tot hoog,
hoog verby die verste kim
bars jy uit in spektrum van
kleur en skone hersenskim.
2 Kommentare
-
Adri Theron
Baie dankie Anze - dit is 'n voorreg om te kan deelneem.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die November 2019 projek - Laat-lente