Leer my die kuns
Om myself te gee
nog ‘n bietjie meer
salf aan eina’s-
van gister te smeer
Leer die wag
voor my mond –
om te oordink
slegs dan te praat
Leer my arms
om uit te reik
na flenterharte –
binne my bereik
Leer my om meer
as net lief te hê
aandagtig te luister –
na wat ander sê
Leer my lense
om prag te aanskou
afstootlike beelde –
ekstern te hou
Leer my oorskulp
om golwe te blok
kras, kru-woorde –
te bêre in ‘n hok
Leer my tog net
om myself te wees
sonder voorgee –
niks te mag vrees
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
2 Kommentare
-
neels
Ek sien in hierdie werk n pragtige gebed wat ons almal elke dag behoort te bid
Maak 'n opvolg-bydrae
Jy moet aangemeld wees om 'n kommentaar te plaas.
Niel Cloete
Ek het nou baie lekker gelees ^-^ Dankie vir die deel !