vir
Gedigte
LENTE GENADE
As die winde begin draai
en wolke van ’n nuwe seisoen
die horison bekruip
word ligter my hart
as die winterkou sy greep verslap
en vlug voor die witter son
waar ruwe grou aarde oopkraak
en die groen van nuwe lewe
kop uitsteek en blom
kniel ek hande saamgevou
op sandkorrels tussen klip en genade
en verwelkom die lig.
©HMellet
HelenaMellet
Ek is maar net 'n kaalvoetkind van Namakwaland, verslaaf aan die reuk van ink op papier en honger vir woorde wat siele versadig, of dit nou uit my pen kom of joune.
Maak 'n opvolg-bydrae
Jy moet aangemeld wees om 'n kommentaar te plaas.