Letters (Silwer)
Op papirus pryk geskrifte
inkswart gegrafeer
pronk hul soos figure
op bladsye gedrapeer
parfuum ‘n ryke geur
as ink en perkament trou
en bladsye in eenvoud
in boekvorm toevou
vloei hul soos riviere
vorm ‘n verhaal
vertel van vele feite
oor elke volk en taal
beskik letters oor ‘n mag
om wysheid te kan bied
gee hul ten alle tye
die waarheid uitgegiet.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Julie 2023 – OOP projek