Liewe Vrou

wanneer die samelewing
’n etiket op jou wil plak
onthou jy is meer werd as edelstene*
want jy vind jou waarde in God
selfs al het die lewe
jou telkens probeer breek
veg jy harder terug

liefste vrou
jy is vrou maar tog ook ma
dis jou gebede
wat jou gesin deur dra
en partykeer is dit die traanwoorde
wat vrylik uit jou diepste wese vloei
want soms voel jy te diep

jy is die kroon van Sy skepping
uniek aanmekaar geweef
en jou skoonheid lê in die mooi
van jou omgeehart

onthou
jy is lieflik
lyflik
v-r-o-u-

©Jessica Venter
08/08/2020
* Spreuke 31:10

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag