Loflied aan my pen
”Gedog sou minder skryf”
maar die woorde bly lag en lag
binne my,hulle sê:
wat minder skryf?
ek val in my gedagtes rond
struikel oor my eie tong
wat homself as ‘n slang vermom
my weer insluk en uitspoeg
‘n woordekamp vol terroriste
ontlooide plofbare lettergrepe
akutus en aksente soos vente
se greep om my aksentueer
‘n swetterjoel aangehits,
gepoets,gepaai(de),lawaai
wat my brein ontlaai
knaende kwetsing sonder slaap
onaangeraak soos ‘n naakte
skaap,somber brommer,
skaak en dageraad
volmaak, volgraan, woordesaad
ontkiem ‘n held ‘n gek
die ek wat aanhou ek
en in die blyspel
bly ek verlief op woorde_(gek).
©morné du preez
2 Kommentare
-
-
Anze
het vir jou reggestel
-
Maak 'n opvolg-bydrae
Jy moet aangemeld wees om 'n kommentaar te plaas.
morne du preez
jammer probeer die foute korrekteer #homself en #slaap