Mensnuut (goud)
As ek lig kon loop soos jy
sou ek weet hoe om te trap
hoe om elke spoor plekvol te maak
ek sou weet dat gister Suid lê
vandag Noord
en dat Oos en Wes
ook net weet waar om te gaan.
Ek sou saggies en versigtig struikel
tussen sekondes en minute
selfs ure sou my bangmaak
ek sou met elke inasem
my laaste uitasem vas wou lê
‘n hoofbaan wou snel
tussen nou en netnou
want elke oomblik wat ek hier is
is nuut
‘n nuwe ek
‘n nuwe jy
‘n nuwe nou.
© 02/2023 Caren Kearley
FB: Nimfoleptiese Woorde
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Maart 2023 OOP projek