Minnelied in die berg
In ’n koel-lawend bergpoel
hoog teen die berg se hang
rangskik ek goue liefdeskrale
in lowergroen mos vasgevang
groot-oog waterskilpad
loer uit verweerde skuit
as palmtak se minnelied
ons na vêr droom verskiet
Meganies retireer deur
magies-waterval sproeireën
waar hand, hart, honger lippe
mekaar vleg-strengelvind
skoenlapper in Skepperkleure
meesterlik uniek gekwas
fladder-vlieg, flikflooi speels
met lawwe naaldekoker-kind
Visarend stagneer halfweg
deur swiep-vryval-aksie
gewaar waterval toneel
en deel in hoof attraksie
takbokke huppel-trippel
ritmiese horing-tanga
as Waterlelie mallemeule
walsend sirkelkring bring
Bergvarings buig laag
as stil- waardeer ovasie
en figure amalgameer
wyl natuur luid apploudeer
as suiwer water, volmaak
liefde en elk’ unieke dier
voor Sy skepping-oog
rondomtalie seevier
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
9 Kommentare
-
Louie
Moes hierdie een 'n paar keer lees om op te vang by sy vinnige kloppende pols en vloei. Kan baie by jou skryfstyl leer.
-
Evelyn van der Merwe
Dankie vir julle gereelde inloer en kommentaar, dit gaan nie ongesiens verby nie.
-
Kiekies
Pragtig! My gunsteling vers: Meganies retireer deur magies-waterval sproeireën waar hand, hart, honger lippe mekaar vleg-strengelvind skoenlapper in Skepperkleure meesterlik uniek gekwas fladder-vlieg, flikflooi speels met lawwe naaldekoker-kind
-
Evelyn van der Merwe
Dankie ek waardeer.
-
-
Ch Nel Venter
Pragtig geskryf Evelyn. Baie geniet
-
Evelyn van der Merwe
Dankie vir die inloer en saamlees.
-
-
Anze
Jou natuur gedigte skep die mooiste beelde! Pragtig
-
Evelyn van der Merwe
Nederige dankie, ek waardeer opreg.
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
Evelyn hierdie is een van die pragtigste gedigte in n lang tyd vir my en verdien beslis n diamant