musiek se fluistering (SILWER)

musiek se fluistering

waar stilte en klank hand aan hand dans
met klankweef van snare en note wat val,
spoel klanke soos golwe, vloeiend en lig
melodieë wat sweef op vlerke van die wind

wanneer die dag sy laaste lig laat skyn
is dit musiek se note wat sag nader gly

in ritme van die reën vind jy die wind se lied
daar fluister die aarde sy geheime en smart
met gesange; salig in die siel se spreektaal
so bou musiek die brug tussen al wat leef

in diepe nagstiltes, ver van die dag se geraas
skyn daar ʼn melodie soos skitterende ster

die note eggo die geheime van die verlede
en tussen die klanke is daar stiltes wat skree
maar ware musiek is soos ‘n rivier se loop
met diep emosie wat in harte weerklink

musiek se fluistering vind weerklank in ons
… so vind ons altoos krag en troos in melodieë

©MarleneErasmus
29/08/2023

Neologisme:
klankweef: Dit is ‘n kombinasie van “klank” en “weef” Die idee is dat musiek ‘n weefsel van klanke en note is wat saamgesmelt word om ‘n unieke simfonie te skep.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag