Huiwering
was ek maar ’n stuk poësie
in liedtekste omskep
om vir die voëls voor te dra
sou mossies dalk die note sing
nou waai my gedagtes rond
is ek stom en kan nie praat nie
seer gee geboorte aan ‘n stem
want my siel hunker om soos musiek te wees
tog ontdek ek myself in ‘n woordleegte
wat gesluier in foutlappe hang
ek was die dowe note
terwyl jy na liefde smag
in opgee het jy donkerte aanskou
jou verhoog was leeg
maar toe jy ‘n laaste keer jou hart se gordyne lig
het ek die koesterwoorde as troos gebring
ek is jammer
my liedjie is laat
©️Wendy Leigh
4 Kommentare
-
-
Wendy Leigh
Dankie my hart❤️
-
-
Anita van der Walt
wow goed gedoen Wendy.
-
Wendy Leigh
dankie my skattebol❤️
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Augustus 2023 – Musiek projek