My skemerstoep (silwer)

Hier sit ek tussen binne en buite tussen son en maan
tussen insig en uitsig
tussen gemak en avontuur
tussen plig en dogma

daar’s net iets aan ‘n stoep
wat die lewe weer aanmekaar plak
sy hoekies rond maak
en die dag se las versag

wat die kors van tyd afskil
vervloë emosies tydsaam inkatrol
en die gemoed oorspoel

daar’s net iets aan ‘n stoep
wat die hart se brooskant oopvlek
‘n rou eerlikheid ontsluier
wat span oor lag en traan

en my vir ‘n wyle bevry
by plig en dogma verby

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag