Jongste aktiwiteit:

‘n Somer om te vergeet

Somereinde het hy kom groet.
Skaars ‘n voet oor die stoep gebaan,
half afsydig by die trap bly staan –
langs die pilaar wat toe nog geel was.

So, asof hy vreemd was
aan daardie welbekende plek.
Só asof hy van alles wou vergeet.

En ek was te jonk om te weet –
dit was net die blou van die see,
net die goud van die son.
Maar daardie één seisoen
was ek lief vir hom.

© Carma Shaw
29 Augustus 2017




Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)

1 Kommentaar

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed