‘n Verlangversie
ek verlang na jou
soos vinknessies aan riete klou
soos ‘n bergpiek op ‘n sonstraal wag
en die blou lug na ‘n arend smag
ek verlang na jou
soos dorre grond van reënval hou
soos die maan hom tot die nag bekeer
en die môre-uur die dag begeer
ek verlang na jou
soos ‘n herfsdag na die son se lou
soos die heuningby na ‘n lenteblom
so wens ek dat jy terug sal kom
soos Kalahari-gras na die oggenddou
só hunker ek vandag na jou
C. Shaw
17 Junie 2015
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
10 Kommentare
-
-
Viooltjie
Baie dankie, Neels :-)
-
-
Koekekranka
Baie mooi.
-
Viooltjie
Baie dankie, Koekekranka. Ek waardeer baie :-)
-
-
Palet
Baie mooi verlange
-
Viooltjie
Baie dankie, Palet. EK waardeer :-)
-
-
Kiekies
Demmit Viooltjie, gee jy aan hierdie hunkering in my, die puikste beskrywings en vergelykings! Dis hoe verlang in woorde klink...presies net SO!
-
Viooltjie
Baie dankie, Kiekies. Ek waardeer die mooi woorde baie :-)
-
-
Loretta Szikra
Ai Carma, dat jy so met woorde kan toor... en die verlange so "mooi" beskryf. Goed gepen.
-
Viooltjie
Baie dankie, Loretta. Ek waardeer dit sommer baie :-)
-
Maak 'n opvolg-bydrae
Jy moet aangemeld wees om 'n kommentaar te plaas.
neels
Ai Carma dit is pragtig