Jongste aktiwiteit:

‘n versie vir jou (silwer)

‘n versie vir jou

 

jy is my asem en my hartklop

al die onthou se prentjies in my kop

‘n dapper ridder en my hoop

die een wat altyd langs my loop

 

jy is koue bier en vonkelwyn

my gunstelingliedjie se refrein

‘n noordewind wat reën sal bring

die lig wat donkerte verdring

 

jy is my anker en my kompas

jy hou my hart in jou hande vas

jy is Orion en Suiderkruis

my roetemerker en my huis

 

jy is die Bybel langs my bed

die een wat my telkemale red

die oggendgroet van die kelkiewyn

soggens vrolik in my tuin

 

jy is my uitgerekte winterstrui

al my sondes wat ek bely

my spieël en my klankbord

jy is alles wat ek graag wil word

 

©Hester Steenkamp




1 Kommentaar

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed