Net dalk

Net dalk
net dalk miskien
wonder jy ook soms wat as

haak jy ook somtyds vas by dalk as
wat is daar om te leer uit ons gisters
uit wat kon en wat was

ek bêre nou vir eers
my gisters agter my

ek reik uit na wat dalk nog kan
omvou die mooi van gister in my hart
al die dalk en wat as laat ek nou gaan

wat as is nou wat was
dit gaan my nie langer vashou
vandag is geleen maar net vir nou

ek sal alles wat ek kan….. doen vir nou
om eendag die mooi van nou te onthou
môre wag en dis al wat ek het vir nou

Magda van der Walt
2023-11-23