Net genade (Brons)

(vir my man, Corné)

Selfs in my laaste gedagtes sal ek jou beleef

selfs in my laaste skemeruur van my oë

tot in my laaste asem sal ek elke uur proe

van liefde sagkens gekoester tussen ons

want ek weet die alleendae sal kom

die stilword van jou stem

(of … sal dit andersom wees?)

maar vir nou drink ek elke lewensdruppel soet

wat ons opvang tussen ons kromwordende hande

ons liefdesbeker so gekelk

want …

dis net genade hierdie lewe

dis net genade wat ons liefde omvou

in prag van hierdie aardryk nou

ook in die beloofde hiernamaals

als net genade

© Taai Bonthuys

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag