Selfgesprek van ʼn oordinker

ʼn verkeersknoop van ambivalente gedagtes

frekwent my neuronpaaie

 

ʼn cornucopia

 

eutopia of utopia?

 

my visage portretpraat in geoefende neutraliteit

en versteek die chaos van my werklikheid

 

ʼn poespas van breinaktiwiteit

 

antwoorde sonder vrae

 

slim woorde op die perron agtergelaat in geslote tas

die trein van my ideale oratoriese redenasies verpas

 

my denke fratsflits

 

maar my lippe is toegerits

 

soos ʼn serebrale hipoksie

sterf suurstoflose spraak in mý disleksie

 

S L A V I N

van die ewige oordink

 

bo

blink

o

n

d

e

r

s(t)ink

 

Etna Wepener ©️

 

Woordverklaring:

 

Ambivalente – dubbelsinnige, teenstrydige

Cornucopia – oorvloed van goed

Eutopia – realistiese konsep van iets goeds wat bereik kan word

Utopia – ʼn plek wat nie bestaan nie

Poespas – oorbodige rompslomp, nuttelose handelinge

Serebrale hipoksie – tekort aan suurstof op die brein