Welkom, Besoeker
Welkom, Besoeker
Taal waarskuwing*

Titel: Niemandsman (Goud)

Deur Seirdna
Datum gepubliseer: 27 Julie 2021 Aantal woorde: 90 118 Kere gelees 1

as jy van niemand praat nie
van wie praat jy dan
en kan daardie niemand
dalk tog ‘n iemand wees

die alleenheid van die niemandsman
spieël die afguns oor sy lewensgang
al is die iemand wie dit spreek
self ook niemand van belang

ja skugter staan die niemandsman
in die spraakskadu van skande
as die teiken van ‘n teistertong
swerf hy deur dorre niemandslande

dalk in die sterfte van jou stem
maak jy van niemand iemand
en sal niemand ooit kan sê
jou iemand maak hom niemand

A Fourie
12.04.2021




TEMAS
2 Kommentaar
  1. Anze

    28 Julie 2021

    Pragtig, baie dankie vir jou bydrae tot die Julie 2021 – OOP projek

  2. Seirdna

    28 Julie 2021

    Dankie Anze

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 59
Kommentaar telling: 91

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 144 gaste aanlyn

Bydraes – Argief