Net ‘n halwe mens
net ‘n halwe mens
met ‘n billike wens
dat gister se distels
in doringseer spore
soos mis sal verdwyn
net ‘n halwe mens
met ‘n broos breek-hart
boepens vol omgee
maar in sy kamers
lê sakke vol smart
net ‘n halwe mens
wat stomstil-starend
nar borrel-lag volg
om elk hoek en krom-draai
soos dit tartend uitkraai
net ‘n halwe mens
wat ‘n wiegie-lied sing
knielend, bid en wonder
wat die tere toekoms
se kontoerkaart bring
net ‘n stukkend’ mens
vol goudhoop en geloof
wat staande sal bly hou
tot die son verduister –
en kers finaal uitdoof
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
9 Kommentare
-
-
Evelyn van der Merwe
Bly jy het hom geniet. Dankie vir die saamlees.
-
-
neels
Absolute tien ster verdiener Evelyn
-
Evelyn van der Merwe
Nederige dankie, ek waardeer.
-
-
Kiekies
...en solank as daar hoop is..... Pragtige eerlike gedig!
-
Evelyn van der Merwe
Dankie vir jou gereelde inloer.
-
-
Amaspoke
Dit is 'n prag werk die. Reguit en eerlik.
-
Evelyn van der Merwe
Dankie vir die mooi woorde.
-
-
Anze
sjoe wat n eerlike diepseer gedig... pragtig gepen
Maak 'n opvolg-bydrae
Jy moet aangemeld wees om 'n kommentaar te plaas.
Palet
Hou hiervan...