nuwe dag
nuwe dag
kraaknuut breek ʼn nuwe dag
in vlamme van vrolike geel
vermeng met oranje se prag
getooi in skel-oranje, nie te veel
met vars nuanses van sagte sitrus
gegeur in perske en vermiljoen
ontwaak die donker uit sy nagrus
so verander ook die seisoen
sonstrale kondig die dag aan
stilsweef die strale oor die aarde
waar jy ook al vandag mag gaan
vergeet nooit ooit jou waarde
ag Heer, dankie dat U die son laat skyn
gee dat al ons sorge aanstons verdwyn
©Marlene Erasmus
31/01/2023
2 Kommentare
-
Frank Meintjies
Dankie, dit roep die kleure en geure kragtig op.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Januarie 2023 projek NUUT