omdraai
–
uit die verlede
groei daar die hede
alles vergewe
en vergeet
–
op die ou plaas
daar by die moerbeiboom
daar het ek lewe gevind
soet en pers op my tong
–
lewe was soms saai
telkens die ewige koebaai
tot daardie jaar op kromdraai
wat gelei het tot omdraai
–
van voor begin
tot half gewin se vlaktes
het my siel geswerf in pyn
in die ewige omdraai
–
nou is daar geen omdraai
slegs die vandag en dalk môre
want die uurglas loop uit soos
die brander teen my kuit
–
©Teãrlach
6 Kommentare
-
HemelBesemReus
Sjoe, jou skryfwerk prikkel heimwee.... Van ongekompliseerde plaaskind dae, grootword, spyt, teleurstelings, pyn en terugkyk en die groeiende besefwording dat ons eintlik net vandag het Baie mooi!
-
Tearlach
Baie dankie Anze en HEMELBESEMREUS vir jul mooie woorde. Ek waardeer dit baie.
-
Tearlach
By die beoordeling van inskrywings is genoem dat die beoordelaar nie verstaan hoekom ek die strepies tussen die strofes gebruik nie. Die eenvoudige rede is omdat my spoeg en plak aksie die spasies ignoreer as ek dit nie insit nie. Verder het dit geen betekenis nie en behoort dit niks aan die struktuur van die gedig te doen nie.
-
Tearlach
Nota: Ek sou graag wou sien met wie ek gesels as dit by opmerkings kom wat by kompetisie gedigte geplaas word. Hoe anders sal ek by julle leer? Anze
-
Anze
Kontak die IM ASB. inkmoderator@gmail.com
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Augustus 2022 My huis is my woning projek