ons vyand
Droogte terg in my ore
‘n naam wat ‘n gat
in ons tydlyn gemaak het
‘n naam wat ons
nie kan weg wens nie
dis sy tyd
om te verniel
om te verwoes
waar sy gloedlippe ons water drink
en vuurvingers ons kos steel
sy woestynvoete die Lewe doodtrap
en sy droogtedans brand ons hoop dood
Droogte gaan vir ‘n lang tyd
ons grootste vyand wees
©Roeline van Schalkwyk
2 Kommentare
-
-
Roeline
Dankie (=
-
Maak 'n opvolg-bydrae
Jy moet aangemeld wees om 'n kommentaar te plaas.
Somerreën
So waar, die vyand staar ons in die gesig. Gedig geniet om te lees.