Ontkommer (silwer)

Kwel julle nie, kom die opdrag

meer dringend as dwingend

eerder as nóg ‘n wet tot diskwalifikasie
of aansporing tot geloofsprestasie

ken Hy die bitter worsteling
van alleenheid wat die siel verwring

Sy opdrag word ‘n omgee-gebaar
om dié wat Syne is te spaar
van ‘n twyfeltog se eensaam-bang
in donker doolhowe se gang
om ‘n hart, deur kommer gekasty
van bevange vrese te bevry

Dan roer Sy kruisweg-medelye
my hart om te vertrou in swye

-cs-sep-24-

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag