Onverdiende liefde

Soos waters na benede stort U liefde in my siel

Aanhoudend sonder ophou, ongevraagd en onverdien

Soos stormwaters bruis dit deur die kamers van my hart

En reinig dit en was my, skoon van seerkry en van smart

 

Hoe kan ‘n mens dan twyfel aan die grootheid van ‘n God

Aan vertroosting en genesing, en die liefde se gebod

 

Bruis deur my o Vader, en was my silwerskoon

Kom maak my hart ‘n plek waar U graag sal wil woon.