Hier is ek
As jy my soek en my nie kry
of jy loop in die straat by my verby
As jy roep en ek nie hoor
of jy my in die skare verloor,
Onthou dan, ek is hier…
As jy wonder of ek bestaan
en of jy my moet laat begaan
As jy droom dat jy my sien
En soms wonder of jy my verdien
Onthou dan, ek is hier….
Jy ken nog nie my naam
of weet eers van my bestaan
En dalk bid jy vir die tyd en plek
Dat jy my sal kry en sal weet dis ek
Onthou dan, ek is hier…
Stadig sal ek die dae aftel
Tot jy vir my jou naam vertel
So, liewe “whoever you may be”
Onthou dan, ek is hier…
2 Kommentare
-
Jnet
Dankie vir jou kommentaar. Net soos u is ek ook nie ʼn tegniese kenner van dig nie. Maar ek sê wat op my hart is op my manier. Dig is ʼn kuns vorm en word juis nie onderwerp aan die algemene nie. Dus... 1. Die gebruik van die hoofletters is met ʼn doel so gedoen. 2. Daar kort nie ʼn ekstra 'nie' soos u voorstel nie. Ter wille van rym, kies ek om my skryfstyl vir my te maak werk. Vriendelike groete
Maak 'n opvolg-bydrae
Jy moet aangemeld wees om 'n kommentaar te plaas.
Koos Elsum
Ja so stotter ons voort in hoop dankie vir die gedig ! Kommetaar: Ek is geen kenner vd tegniese aspekte vd digkuns nie, die volgende is net my eie leer proses 1: Die gebruik van hoofletters vs klein is opvallend laat lesers wonder of dit seksies in die gedig saam voeg of nie 2: Die seksie "Jy ken nog nie my naam of weet eers van my bestaan” mis sekerlik nog ń nie in die tweede reël wat die noodsaaklikheid om ń gedig hard-op te lees weer uitwys