opgaar

op my duin is daar net sand en skulpe
natuurlike opgaar plek vir wind en reën
lê alles wat te swaar is om weg te waai
soos onder huis se trap opgaar plekkie

skoonmaak – weggooi – tyd is hartseer
geheue-blokkies word geweeg uitgegooi
verwyder en uitgesny met ‘n skerp mes
laat rowe van onthou wat moeilik heel

lewensvreugde verouder saam met ‘n mens
word dieper – soeter – emosioneel verryk
skielik is môre minder belangrik as vandag
jou gisters word gestoor vir spesiale tydjies

wat met elke storm se wendinge verander
verfris my uitkyk oor die golwende oseaan
my sitplek nuut gevorm en sagkens geplaas
sodat ou meeu daarop kan kom sit en peins

©Teárlach